Emerging Platform of Urdu News, Poetry and Viral Stories

Atif Qarni, Pakistani Muslim ka America mein Quran par halaf

0 95

Virginia mein Karachi se talluq rakhnay walay Pakistani Musalman wazeer Atif Qarni ny apne ohday ka halaf Quran pak par uthaya. International media ke mutabiq American state Virginia mein Pakistani Muslim ko wizarat taleem ka qalamdaan sonpa gaya, magar dilchasp baat yeh hai ke muntakhib wazeer ny apne ohday ka halaf Quran par uthaya.

Halaf uthany ki video social media par viral horahee hai jis mein Atif Qarni ko apne aik haath mein Quran pak uthaye American constitution ke tehat halaf uthatay hue dekha ja sakta hai.

Atif ko riyasat mein education policy, schools ki muawnat aur aala taleemi idaron ki nigrani sonpi gayi hai. Ye pehlay American Muslim hain jo Virginia mein aham ohday par faiz hue hain. Is se qabal Atif, American Navy mein Sergeant aur kuch arsa tak wasti Virginia kay ek school mein sports teacher ke tor par bhi kaam kar chukay hain.

Atif Qarni taking
Virginia ke governor Ralph Northam ny Atif Qarni se halaf liya.

Is moqay par riyasat Virginia ke governor Ralph Northam ny kaha ke ahem baat yeh hai ke hamein riyasat mein aik aisa secretary taleem chahiye jo nisaab, tdrisi classes aur schools ke mamlaat ko achi terhan samjhta ho aur Atif Qarni ke paas aala taleem ke hawalay se pukhta vision bhi mojood hai.

Atif Qarni 1978 mein Pakistan ke shehar Karachi mein peda huwe. Baad azan woh 10 saal ki Umar mein apne khandan ke hamrah America muntaqil hogaye thay.

Leave A Reply

Your email address will not be published.