Emerging Platform of Urdu News, Poetry and Viral Stories

ICC 2017 Awards: Hasan Ali kay lye Emerging Cricketer ka Award

0 170

Pakistani fast bowler Hasan Ali ko ICC 2017 Awards mein ubhartay hue khiladion yani mein sab se behtareen cricketer qarar diya gaya hai. ICC Emerging Cricketer of the Year ka award hasil karnay par Hasan Ali ka kehna tha ke yeh award un ke liye aur Pakistan ke liye bohat barri kamyabi hai.

2017 mein Hasan Ali ne 18 ODI matches mein 17.04 ki average se 45 wickets haasil kee. International Cricket Council ki aalmi darja bandi mein Hasan Ali is waqt pehlay number par bhi hain.

Deegar ICC 2017 Awards mein sar-e-fehrist indian cricketer Virat Kohli rahay jinhen aalmi cricket ke tamam formats mein achi karkardagi par 2017 ka behtareen cricketer aur behtareen captain qarar diya gaya.

Qualification ka dorania September 2016 se 2017 ke ekhtataam tak tha. Is douran Virat Kohli ne 77.80 ki average se 2203 test runs banaye jin mein 6 double centuries shaamil hain. Is kay ilawa Virat Kohli ne ODI matches mein 82.63 ki average se 1818 runs banaye.

Yaad rahay ke pichle saal Cricketer of the Year ka award India kay hi Ravichandran Ashwin ko mila tha.

Test cricket ke behtareen khilari ka award Australia ke Steven Smith ko mila jin ki behtareen ballay baazi ne Australia ki Ashes fatah mein ahem kirdaar ada kya.

Pakistan ki India ko Champions Trophy 2017 ke final mein shikast Fan Moment of the Year rahi.

ICC 2017 Awards k sath ODI Team of the Year ka b ailan kia gaya hai jis ye khilari shamil hain: David Warner (Australia), Rohit Sharma (India), Virat Kohli (captain) (India), Babar Azam (Pakistan), AB de Villiers (South Africa), Quinton de Kock (wicketkeeper) (South Africa), Ben Stokes (England), Trent Boult (New Zealand), Hasan Ali (Pakistan), Rashid Khan (Afghanistan) aur Jasprit Bumrah (India).

Dosri taraf, ICC Test Team of the Year 2017 me in khilariyun ko jaga di gai hai: Dean Elgar (South Africa), David Warner (Australia), Virat Kohli (captain) (India), Steve Smith (Australia), Cheteshwar Pujara (India), Ben Stokes (England), Quinton de Kock (wicket-keeper) (South Africa), Ravichandran Ashwin (India), Mitchell Starc (Australia), Kagiso Rabada (South Africa) aur James Anderson (England).

Leave A Reply

Your email address will not be published.