Emerging Platform of Urdu News, Poetry and Viral Stories

Imran Khan ne Bushra Manika ko Rishta bheja hai: Tarjuman PTI

Imran Khan ki shadi se mutaliq ye khabar samnay aayi thi ke PTI chairman nay Lahore mein aik khatoon Bushra Manika se khufia shadi karli hai.

0 170

Pakistan Tehreek-e-Insaf (PTI) ny party chairman Imran Khan ki shadi se mutaliq khabron ki tardeed karte hue kaha hai ke Imran Khan ny abhi Bushra Manika se shadi nahi ki, balkay inhen sirf shadi ka pegham diya hai aur yeh bayan record ki durustagi ke liye diya ja raha hai jabkay is intahi hassas aur zaati muamlay ko ghalat salat khabron ki zeenat banana intahi afsos ki baat hai kyunkay is ki wajah se awam mein afwahon aur qiyaas araiyo ny janam liya.

PTI ki janib se jari bayan mein kaha gaya hai ke Imran Khan ny Bushra Manika ko rishtay ka pegham bheja hai jabkay Bushra Manika ny bachon aur khandan se mushawarat ke liye waqt manga hai. Party bayan mein kaha gaya ke bohat dukh ki baat hai ke Imran Khan ki shadi ki khabar dainay walay sahafi ny suni sunai baton par intahi niji muamlay ko public kya aur public life nah rakhnay wali khatoon ki zindagi ko mushtahir kya gaya.

bushra manika picture
Bushra Manika

Party bayan mein mazeed kaha gaya hai ke agar Bushra Manika ne Imran Khan se shadi ke proposal ko qubool krliti hain tu Imran Khan apni wedding aur new wife kay baray me khud bazabta elaan karen ge. Lehaza jab taq, media dono khandano khasosan un ke bachon ke niji mamlaat ka ehtram kere. Is ghalat khabar ki wajah se Imran Khan aur Bushra Manika ke bachon par na qabil bardasht dabao para hai.

Do roz qabal Imran Khan ki wedding se mutaliq ye khabar samnay aayi thi ke PTI ke chairman ny 1 January 2018 ko Lahore mein aik khatoon se khufia shadi karli hai aur Imran Khan ki taraf se khabar ki tardeed nah karne ki wajah se qiyaas araiyo aur afwahon ny janam liya tha.

Imran Khan ab tak do shadian kar chukay hain jo bad qismati se nakaam rahen. 1995 mein Imran Khan ny British arab-patti James Gold Smith ki beti Jemima Gold Smith se shadi ki thi jinhon ny shadi se pehlay Islam qubool kar liya tha. Taham 22 June 2004 ko dono mein Imran Khan aur Jemima Khan me alehdgi hogai. Imran Khan ny doosri shadi 2015 ke aaghaz mein Reham Khan se ki jo 9 mah baad Talaq ki soorat mein khatam hogayi thi.

Leave A Reply

Your email address will not be published.