Emerging Platform of Urdu News, Poetry and Viral Stories

Naqeeb Mehsud, Zainab, Alan Kurdi; Mazlomiyat ka Isteara Hain!

0 93

Kal se Muttahida Qaumi Movement (MQM) ke kuch dost seekh pa hain ke Naqeeb Mehsud ke liye to har aankhh num hai magar muhajiron ke liye kabhi kisi ne aawaz buland nahi ki. Is hangamay mein Awami National Party (ANP) bhi kyun peechay rahay, Karachi ke encounter mein inhen “Punjabi-Pakhtoon” dushmani nazar aa rahi hai.

Jab lashain siyasi ya nazriati jhagrre mein oxygen ki soorat ikhtiyar karjayen to gidhon ke maskan aur insani muashray mein koi farq baqi nahi rehta. Hum Zainab ke rape aur murder ke sanihay mein bhi dekh chuke hain ke kis terhan ek fard ka jurm kuch logon ke mafadaat ki ghiza bana. Kisi ne kaha ke mazhab aisay juraim ke asbaab faraham karta hai to koi goya huwa ke Pakistan Muslim League (N) qatilon ki muhafiz hai.

Zainab ke sanihay mein siyasi aur nazriati gidh browe car aeye they jabkay Naqeeb Mehsud ke muamlay mein lasani gidh mutaharrik hain. Is mulk mein hazaron nojawan yuhin marwaye adalat khoon mein nehla dye gay. Yeh pehla pakhton nahi tha jo mara gaya aur nah maaray jaane walay saaray hi pakhton hotay hain. Muhajir, Balouch yahan taq ke Punjabi bhi isi terhan qatal hue hain .

Naqeeb Mehsud picture
Naqeebullah Mehsud

Naqeeb ke haseen chehray, surmai zulfon aur HD tasveeron ne usay amar kya. Logon ne uski taswerain dekhen to chenh utthay. Uska saraapaa, tarz zindagi aur shoq is ilzaam se mail nahi khataa tha, jis mein mulawis bata kar usay khoon mein nehlaya gaya. Uski nasli shanakht ya lasani pehchan ka is muamlay mein kahin koi kirdaar nahi tha.

Baat yaqeenan talkh hai, magar sach yehi hai ke zulm ke har waqea par ijtimai zameer nahi jaga karta. Kuch sanihay tamseel, unwan aur isteara ban jatay hain. Shaam mein hazaron bachay qatal hue, magar samandar ke kinare aundhe mooo parre Alan Kurdi ne jitne logon ko rulaya, uski misaal nahi millti .

Alan Kurdi, Zinab aur Naqeeb Mehsud muzloomon ka isteara hain. Unki taswerain is zulm ke khilaaf chalti phurti tehreek hain, jin ka khud yeh shikaar hue. Khudaaya, inhen apne mafadaat ki bhaint mat charhayen.

Leave A Reply

Your email address will not be published.