Emerging Platform of Urdu News, Poetry and Viral Stories

Ritz Hotel mein daketi, lakhoon dollars ki jewellery chori

0 61

France kay capital Paris me waqay Ritz Hotel me musallah choron naay lakhoon dollars ki jewellery chori kar liye hain.

Hukkaam ka kehna hai ke kulharhyon se musallah paanch mulzimaan naay hotel mein waqay jewelry ki dukaan ki khirki toar kar andar daakhil hue. Muqami media ke mutabiq teen afraad ko girftar kar liya gaya hai jabkay baqi mafroor hain. Abhi tak chori ki jaaney walay jewellery ki kul maliyat ke barey mein maloom nahi hosaka taham aik andazay ke mutabiq 4 million euro maliyat ke jewellery bar aamad kar liye gaye hain.

Luxury Five star Ritz Hotel Paris ke tareekhi ilaqay mein darya ke kinare waqay hai aur wazarat-e-insaaf ka daftar bhi is se mut-tasil hai. Hotel ke uqbi dakhli darwazay ke qareeb kharidari ki jagah mukhtas hai jahan par 5 dukanain aur 95 showcases hain jin mein jewellery, watches aur mehngay malbosaat farokht kiye jatay hain.

Muqami akhbar Parisi naay police zaraye ke hawalay se bataya hai ke choron ko aik police ahelkaar naay roka taham do scooter par faraar honay mein kamyaab ho gaye. Hotel ke aik mulazim naay French news agency AFP ko bataya ke unhun naay aik zor daar aawaz suni aur gali mein khasa shuroghul tha.

Daketi ke waqt qareeb se guzarnay walay afraad naay hotel mein panah li. Aini shahideen nay bataya ke unhain us waqt taq kuch maloom nahi tha ke kya ho raha jab tak unhen kisi naay Ritz Hotel me chori hojanay ka nahi btaya.

Leave A Reply

Your email address will not be published.